Dat du min Leevsten büst
1. Dat du min Leevsten büst,
dat du woll weeßt.
|: Kumm bi de Nacht, kumm bi de Nacht,
segg mi was Leevs! :|
2. Kumm du üm Middernacht,
kumm du Klock een!
|: Vader slöpt, Moder slöpt,
ick slap alleen. :|
3. Klopp an de Kammerdör,
fat an de Klink!
|: Vader meent, Moder meent,
dat deit de Wind. :|
4. Kummt denn de Morgenstund,
kreiht de ol Hahn,
|: Leevster min, Leevster min,
denn mößt du gahn! :|
5. Sachen den Gang henlank,
lies mid de Klink!
|: Vader meent, Moder meent,
dat deit de Wind. :|
Sachen: sachte
henlank: entlang
lies: leis
Melodie: Hamburg 1778
Text: zuerst bei Karl Müllenhoff, „Sagen, Märchen und Lieder der Herzogthümer Schleswig Holstein und Lauenburg“, Kiel 1845